"W‧E" Love Album

好開心可以同大家分享呢本Love Album~男主角早前親手紀錄佢地的甜蜜時刻加埋起最尾果頁有個surprise位用黎求婚,好sweet呀！

好感動起你求婚當日收到你回相我都好感動呀！好開心你最後大大大成功呀！你一直話自己只有幼稚園程度，不過我想你另一半收到的時候你本相簿係咩程度的製作已經唔重要, 因為早已經比你的心思同愛掩過哂啦！

大家如果有睇過我之前的作品，呢個系列應該會有D 似曾相識的感覺，係之前10月出現過的MME 的 "My Story" collection！希望大家都會同樣咁鐘意同樣睇到最後！

封面上的"WE" 係佢地兩個名的 Initial 黎嫁~低調得黎又靚又浪漫!

 

相簿大概尺寸係 6"X 7"，可以放2R，3R同4R相, 內頁有各個預先設計好的位置放相

呢到最後一頁的Surprise位啦，我設計左個拉揭式的立體場景！謝謝你對我的信任，比我自由發揮~挑戰第一次整立體！

Let's Make Today Amazing!!!

加左好多pop up~令場景更豐富~!

Hiding a diamond STAR ~

要一直幸福啊~!!! 如果聽睇多D，相簿有Video版，大家可以去返MF7 Workshop個Page度睇~多謝支持

December 2015 Scrapbook Kit - Christmas Time Mixed Media Layout

關於12月，我有太多野想整，還是逐步逐步來吧！今日係用12月Papercraft Buffet 材料包整的相編。喜歡每個月材料包帶給我的神秘感, 總叫人期待呢，除此之外亦可以給我挑戰不同的風格！！

12月的材料佈有主要來自Prima 出的Victorian Christmas Collection！剛好聖誕節前和朋友一起到Disney酒店食Buffet，有輯靚相！所以決定先整相編，(預告)後再整相簿！如果大家鐘意, 下面會有少少製作部驟的分享。

Christmas Time 

背景紙：

1. 我首先將選好的背景紙四邊用較剪刀背磨破，再隨心在邊緣掃上材料包內的Glitter Snow Paste營造落雪的氣氛！
2. 再這個背景紙再運用模版(stencil) 製作有少少厚度同埋Texture的閃閃雪花，令到近睇同遠睇都有唔同感覺！
3. 最後隨意掃上matte，灑上不過大少的金粉紙碎，背景紙的處理部分便完成！

細看紙的邊緣

跟住就到自由配搭，處理唔同的配件

因為要有落雪感覺，每一層花和紙都繼續用Gesso/ Glitter Snow Paste

材料包內的雪花Die Cut花花同葉真係好好襯呀

最後我個得力助手提議加上鹿車，所以將我私人珍藏的chipboard都拎左出黎

用Distress ink, Mist 加上少少Stickles就可以即刻在有景紙上特出同立體化左

除左Layout即刻加左分，得力助手亦比我加左分呢！！！

November 2015 Scrapbook Kit - Desktop Mini Album

好似消失左好耐，年尾的悠長假期過後，先熱熱身，做一點簡單的！説穿了都只因自己太懶

這個月的材料包顏色好豐富呀，好適合紀錄小朋友的快樂成長！所以決定找我的外甥肥仔熙做model！完成這個月的小作品 -  『肥仔熙5個月大座枱迷你相簿』

可見我用的圈圈都比較大，因為預左隨時更新加頁，遲D轉做1 歲回憶集又得，每頁只需小量拼貼就已經好靚。比入面其中幾頁大家望望！

 

 

 

呢個都好適合有小朋友的媽媽做，所需的時間不多，只是隨意剪下Pattern紙上的圖案，用材料包內提供的brads，印仔加上少少點綴，又快又方便！我只用了一個多小時就做好左啦~而家已經放左office 枱做裝飾！在職父母都可以考慮做返個~可以舒解無時無刻掛住囝囝囡囡的心情~