【紙。相。手作】: 2016

2016年8月19日星期五

4 New Cards Made in this Summer!

每一日的時間都好似唔夠用咁，今個夏日想同大家分享最近為手作展做的幾張卡！

Card 1 - Aloha Summer Time, Let's go to the Beach!!

以夏日做主題的~暑假就黎完啦~快D捉住夏日的尾巴, 再約朋友到沙灘黎個Beach Party 啦~

不過最近都係天陰陰的~去唔到戶外....一齊飲杯咖啡都不失為一個唔錯的選擇呀~

Card 2 - Coffee & Friends

Coffee & Friends make the perfect blend

好清新的感覺呀~~

影作品相的時候仲係好好天！！好適合鐘意去cafe的朋友呀~原本卡的下方想放一支小木鉛筆/顏色, 不過搵唔到合心意的小筆.....很可惜呀！

Card 3- Surprise- Just for you

小象為你送上Surprise！！！製作的時侯只一直諗住小象噴水的畫面~所以用了藍色水彩背景，效果出黎好可愛呀！

到最後一張了，是沒有特別主題的萬用卡~

Card 4- Just to say "Aloha"

呢張shake shake卡背景的花和葉都係可以同珠片一齊shake的，仲要圖案係雙面，搖的時候都唔怕穿煲！！

除此之外，MF7仲有好多其他靚靚作品，期待星期六日起九展的手作展同大家見面！
我地嘅位置係 C8入口直行, 過咗第一條走廊就係架喇~ 記得 mark 定向schedule 喇!
地點 : 九龍灣國際展貿中心三樓展貿廳2
日期 : 2016年8月20-21日(星期六及日)
時間 : 12:00 - 20:00 (展覽會將於關閉前三十分鐘截止進場)

2016年6月10日星期五

Scrapbooking Layout - The EXPORER

再同大家分享用紙碎整的相編！

因為太鐘意自己影既呢張相，唒定出黎點都有機會用！背景用左Prima木紋Stencil，加上Embossing Paste 製造泥印，好大自然！另外不得不讚 Amy Tangerine 的 Finder Keeper Scrap-bag，入面的斑馬和其他碎件小卡都好靚！

2016年6月6日星期一

Scrapbooking Layout- Fun & Sweet Day in Disney

突然有一日下午，隨手搵左幾張相就整左三張相編，呢張係其中之一

Layout- creating paper stack from unused paper

有關平時用剩的紙條/碎，我都會將佢地盡量留起，唸張係我最近整的相編，佢冇用特別的collection/ 一系列的材料，只是在用剩材料中抽取類似的色系的紙，將它們隨意疊起襯托相片，比想像中容易配襯和快完成！都算係一個唔錯的清紙碎方便啊！

Life is Better With You - Using stickers to merge the background and photo

Thanks for stopping by!!

2016年5月30日星期一

Card Series - Have a Monster Birthday!

接近半年冇整過卡啦，要為黎哽的手作展做少少熱身！今日想分享最近整的生日卡。

呢SET"Out of This World" 印仔真係太可愛啦~！！怪獸們加左立體眼仔都變得更加生動活潑！

背景用了 Distress Ink 和加上水滴去做太空效果，最後加上白色的paint 令星空更豐富！

為左令張卡更立體，佢地企起既星球方面，用了黑色的Distress Ink 混合 embossing paste 再不規則掃上，星空效果和星球製作效果都可以有好多變化，好好玩啊！希望黎哽會有更多的卡同大家見面！

2016年5月20日星期五

Dinner Time at One Little Room

還沒有靈感去製作相簿，唯有做些簡單拼貼紀錄日常點滴。仲記得當晚一齊剪完頭髮都8點幾，估唔到你仲記得好耐之前我同你提議過的小店！可能平日加上都較夜，店內只有我倆，等待食物期間仲可以睇書，好Relax呀！

呢張相編我特別選用左和這間小店環境相近的顏色和底紙做主題，因為店內有幅牆壁鋪滿了舊英文書頁，好有書卷味道！下面兩張相片都是用instagram影的，做了個復古色Polaroid相框入住，沒有很多技術，只是將製作剩餘紙條和包裝紙上拼下貼，很快便完成了一頁！

2016年5月4日星期三

Memory Folio - Travel Good Times

多謝一位好好好好既手作朋友教我用kraft-tex，我將呢本試驗製成品送比佢，因為佢講過鐘意我整的 Mini Travel Folder，但係又想大本D，所以我將佢結合，做左本約A4 大小的 Travel Folio，哈哈~佢收到之後果然好鐘意，太好啦！！

封面

因為中間"ADVENTURE相框" 我再Overlay 左張透明飛航路線膠片，所以影相會有少少反光，實物效果我還是頗滿意XDDD

Close Up,~真係唔講唔知用左膠片~

呢本Folio 我仲第一次用左平時散紙包果D"啪啪鈕"，開關好方便之餘又唔會成日彈起！

設計好簡單，一眼睇唒！

雖然A4 的Size~ 但係因為設計好簡單薄薄的，所以唔重，仲隨時可以靈活加頁，帶去旅行都好方便！！

2016年4月22日星期五

April 2016 Scrapbook Kit - Documented For Great Adventures

四月收到有Bo Bunny- " Beautiful Dreamer" Collection，每次看到這類型的材料都十分興奮和喜歡，但每當要動工時都發現很想腦筋，原來自己一點都不擅長做這類style。

這就是四月的作品！材料包加上之前訂下來的Darice Suitcase 製成的迷你手提旅行箱。

Size大概10" x 8" x 3" ，都可以放幾多野下，連無印記事簿都可以送到XDDD 太好了....做明信片儲存箱是不錯的。最後決定咩都放落去試下~

分享住先~整完本相簿再分享~
4月份材料包 (Material Links) : Papercraft Buffet

2016年3月16日星期三

March 2016 Scrapbook Kit - Family Love

趕上了三月啦！仲有兩件作品，急不及待要同大家分享！！！

March 2016 Scrapbook Club – Honey I’m Home

這個月是We R Memory Keepers的“Honey I’m Home”系列，特別鍾意系列入面的房子，植物，燈泡！都係好容易就配襯得好靚。

一直都好鍾意去探訪充滿植物的綠色cafe，一收到的時候即刻想起這個主題，立即動工！

"Enjoy Life" Hooked Shadow Box

呢個有掛鈎起側邊的裝飾盒 (Hooked Shadow Box)，自己十分鐘意！因為真係好方便實用，如果仲好適合整結婚主題當作陳列裝飾！Kit 內的Maya Road Twine, 線和金線混合繞著，光線折射下會閃閃的！配上燈泡和小旗幟，好可愛呀！！其實相細D會再好D~等遲D 印過哂D 相再換，另外一個好處就係可以換相, 靈活改動鈎線

跟住要分享的就係相編！因為Kit 內有大量Family 的材料元素，所以轉一轉主題！

Family Love Layout

金色" #LOVE" 字貼好靚啊！！覺得它和深藍色特別襯！

期待著四月份，繼續分享唔同類型的作品！！

2016年3月8日星期二

February 2016 Scrapbook Kit 2 - Treasured Moments Shadow Box

呢件就係第二件要分享的作品，係一件掛飾/擺設，個盒大概 29cm x 30cm x 4cm 咁大，其實本身個框係一張紙，我將佢挑空左，再變成一個盒。如果大家有興趣可以跟住呢個Tutorial 一齊做~段片雖然得14分鐘，但係用的時間比我想象多好多呢！不過係值得既，呢set材料真係好岩整結婚/Prewedding的主題呀！

如果大家都對個box 有興趣，材料可以參考呢道----> Link！

Happy Scrapbooing~!

February 2016 Scrapbook Kit 1 - "Forever Love" Layout

浪漫的2月~~二月份的材料包有懷舊的粉紅色，蝴蝶和花朵，收到的時候都頗為頭痛的。一方面係雖然我覺得好靚，但係這個風格都不是我擅長的，所以冇信心做得好。另一方面係我會起有相揸手的情況下先會想起動既人(有相自我感覺會好D啦XDD)....不過礙於雞翼先生從來都唔係浪漫型，所以今個月繼續會用我對新婚朋友做Model~~真係好多謝你地唔介意係咁比我做試驗呀！今個月作品有兩件，先分享我比較喜歡做的相編！

呢件係用作品2的剩餘材料做的(之後再補Share作品2)，版面雖然看似簡單，不過細節位都唔少嫁，而且仲用左不少唔同既物料！

Just Celebrate you day! Beautiful be yourself

薄薄的Lace 真係好岩Feel~夾雜起唔同層次中增添浪漫！

背景運用模版(Stencil) + Embossing Paste 不規則隨意掃上，模擬舊牆身的效果，多點Texture

最後不得不推介Dear Lizzy 這款黑色厚身貼紙，字型好型，大小都好易配襯到！

2016年3月1日星期二

January 2016 Scrapbook Kit - Layout "Cherish"

這個月比較勤力，用材料包做了兩件作品！呢件係第二件，好多謝朋友Fire 同Cherrie 的信任同欣賞，除左可以見證住佢地結婚的動人時刻，仲比個機會我可以送上我對佢地的祝福，親手做一本相簿比佢地。好多謝你唔介意無限期等待XDD 呢張係其中一頁的加頁，希望你地本相簿會越來越厚，有第二本...第三本...更多更多本....

因為今個月的木紋背景紙同你地Prewedding超級襯，另外加上本身係諗住參加一個Scrap Challenge，所以冇任何籍口唔開工啦！點知做完因為懶得太離譜，過左參加時間都唔知，不過唔緊要，你地鐘意就已經好足夠啦~

本身好鐘意標題貼紙的字體，用起呢張Layout我覺得最適合不過！

縫上線，別有一番手作味道！在線圈佈可作Journaling！寫完個layout就會變得完滿同豐富左嫁啦！

祝新婚快樂，甜甜蜜蜜！

January 2016 Scrapbook Kit - Grateful Mini Folder

過左農曆年後，足足病了兩個星期！一直都係Pink Paislee 的小Fans，收到Papercraft buffet 一月的材料包實在太興奮！呢個Cedar Lane 的系列除左顏色容易襯之外，材料包提供的配件仲照顧哂唔同的主題。除左Love, 仲可以Friendship...Family... Autumn-Fall 等等...

今個月我選用左我上年8月尾9月頭富士山之旅的相做左個Mini Folder，感謝雞翼先生在山上為我遮風擋雨！

呢個Folder Size 係 6" x 6" (15cm x 15cm) ，好處係簡單易做，自由度亦好大，因為相片可以隨意加減，左zip 右zip濕碎野都冇問題

封面我用左兩張Pattern paper Mix & Match，木紋紙做出黎的書脊真係好靚呀！

入面一眼睇哂~就算冇玩開手作的朋友收到都使怕唔知點左掀右掀 XDDD 除左放左D 2R 同3R相之外, 我仲加左材料包入面提供的tags同卡仔，記錄左當時的心情！！

配件都好易襯，內附的花花萬字夾仲好有有特色好好用

特此記錄！記得2017的約定啊~

2016年1月26日星期二

"W‧E" Love Album

好開心可以同大家分享呢本Love Album~男主角早前親手紀錄佢地的甜蜜時刻加埋起最尾果頁有個surprise位用黎求婚,好sweet呀！

好感動起你求婚當日收到你回相我都好感動呀！好開心你最後大大大成功呀！你一直話自己只有幼稚園程度，不過我想你另一半收到的時候你本相簿係咩程度的製作已經唔重要, 因為早已經比你的心思同愛掩過哂啦！

大家如果有睇過我之前的作品，呢個系列應該會有D 似曾相識的感覺，係之前10月出現過的MME 的 "My Story" collection！希望大家都會同樣咁鐘意同樣睇到最後！